Saioak

All Stories

Gazte Klik Klak argazki eta bideo digitalaren lehiaketa martxan jarri du Gasteizko Udalak

Gazte Klik Klak argazki eta bideo digitalaren lehiaketarako deialdi berria martxan jarri du Gasteizko Udalak. Hiriburuan lan, ikasten edo bizi diren 14 eta 25 urte arteko gazteek parte hartu dezakete. Aurten argazkietan edota bideotan ZORIA da islatu behar den kontzeptua.

Udaltzaingoaren lan poltsarako ez da euskararen B2 maila behar, epaile baten arabera

UGTk Araban, Bizkaian eta Gipuzkoan udaltzain izateko lan poltsari jarri zion helegitean aldeko sententzia jaso du. Gasteizko Administrazio Auzitegiak ebatzi duenez, euskarazko B2 maila ez da beharrezkoa egiaztatzea 2021eko lan poltsako sarbidea izateko. Beraz, erabaki horren bidez, deialdi publikoan B2 maila ez duten hautagai guztiak deialdian onartu beharko ditu.

Europako Mugikortasun Astera batu da berriz ere Iruñeko Udala

Mugikortasun jasangarria, bizi dugun larrialdi ekologikoari aurre egiteko erronka bat den heinean, Europako mugikortasunaren astera batu nahi izan da Iruñeko Udala, hirian zehar erabilgarri dauden garraio mota ezberdinak sustatzeko helburuarekin.

Bide horretan, helduentzako bizikletan ibiltzeko hastapen klaseak edota bizikleta eta kotxe elektrikoen erabilera sustatzeko hitzaldiak martxan jarri dituzte eta jarduera ezberdinak antolatu dituzte egunotan. Ostegunean, programari amaiera emango zaio “kotxerik gabeko eguna”rekin eta hirian zehar goiz osoan 1.500 ikasletik gora txirrindula hartuta Iruñeatik ibiliko dira.

Guzti honetaz gain, Iruñeko Udalak, alde zaharra “emisio baxuko gunea” bilakatzeko konpromezua hartu du 2023rako, horrela arautzen baitu Europar legeak. Udaletxeko Proiektu Estrategikoen, Mugikortasunaren eta Iraunkortasunaren zinegotzia den Fermin Alonsok, azpimarratu nahi izan du, neurri hauek pixkanaka ezarriko direla eta ez diela ez auzokide, ez banatzaile ez komertzioei eragingo.

Martxan da berriz Laba sarea, kultur eskaintza paregabearekin

Bi hilabetez itxita egon eta gero, ireki ditu ateak Laba sareak Iruñean, irudi berrituarekin. Kultur astea antolatu dute, hilaren 19tik 24ra.

'Bertxio: Bertx(h)oriren bertsio bat' Bertso tramarekin ekin diote astelehenari; asteartean, Ibil Bedi taldearen entsegu irekia izango da ikusgai; asteazkenean, Jon Benitoren 'Lagun minak' liburuaren aurkezpena eskainiko da; eta ostegunean, 'Loreak belaunetan' filma. Larunbatean, berriz, festa betez irekiko dituzte ateak, Gabi de la Mazarekin Euskaraokea egingo baita; eta igandean, Broken Brothers Brass Band taldearekin kalejira.
hamaika telebista

11 laguntzaile

Image