Jose Manuel Villarejo komisario ohiak adierazi du poliziak 'bi edo hiru' euskal militante hil eta desagerrarazi zituela, Diputatuen Kongresuan egindako agertzean. Beste hainbat adierazpen egin ditu, eta horietako asko zalantzan jarri dituzte alderdi kideek kontraesanak nagusi baitira.
Chill Mafiako lagunek pandemia nola bizi izan duten azaldu dute "Altxa Burua" saioan. Gazteak kriminalizatu dituztela azaldu dute, "kendu ziguten guztia, eta gainera, gu sentiarazi gintuzten errudun". Orain, aurrera egitea baino ez da geratzen.
Saioa osorik, hemen.
David Pla, Norvegiako ETAren bozeramailea, elkarrizketatu du Naizek. ETAk bere jarduera eten zuenetik hamar urtera, Oslon bizitako 16 hilabeteak nola bizi izan zituzten kontatu du 'David Pla. Oslo. '2021' dokumentalean. Hala, bizitako sentsazioak eta iritziak biltzen ditu lanak. "Fase historiko hau ahalik eta modu egokienean itxi nahi genuen" azpimarratu du.
Dokumentala osorik naiz.eus atarian aurki daiteke.
Iñigo Martinez Latxan merkatari elkarteko kidearekin hitz egin dugu Altxa Burua saioan. Martinezen hitzetan, konfinamendua oso gogorra izan zen merkatari eta ostalarientzat; adierazi duenez, gehiengoak itxi egin behar izan zuen egoerak hala behartuta, eta komertzioen eta ostatuek ez zituzten diru sarrerak bermatuta: "Saltoki batzuen bideragarritasuna kolokan jarri zen".
ERTEak "oso eskertzekoak" izan direla adierazi du, baina ziurgabetasun handia sentitu dute: "Jendeak bere burua salduta ikusi du, eta psikologikoki oso gogorra izan da". Nabarmendu du beste herrialde batzuetan beste modu batera kudeatu dela egoera, eta Frantzia eta Alemania jarri ditu adibide: "Laguntzak iragartzen ziren hemen, baina argitaratzerako denbora pasatzen zen, eta kobratzen zirenerako..."
Konfinamenduan irekita egon ziren saltokientzat egoera "oso gogorra" izan zen egoera: "Merkatariek beldur ikaragarria izan zuten bezeroak kutsatzen zituztenak izateko; psikologikoki oso gogorra izan zen, eta leher eginda bukatu zuten".
Martinezen esanetan, konfinamenduak eragin handiagoa izan du irudiarekin eta janztearekin zerikusia duten saltokientzat, eta horrek ez du eragin handirik izan auzoan. Era berean, adierazi du hilabete hauetako egoerak balio izan duela tokiko merkataritzan duten garrantziaz kontzientzia hartzeko.
Ikusi Altxa Burua saioa osorik nahieran.
