Saioak

All Stories

300 kilometro pedalkadaz pedalkada, presoen eskubideen alde

Etxarritik Donostiara, Nafarroa, Araba, Bizkaia eta Gipuzkoa zeharkatuz, 300 km egin dituzte ehunka lagunek Sarek antolatutako V. Bizikleta Itzulian.

Euskal herriratzeekin hasi, graduen progresioa garatuz eta bizi osorako zigorrekin amaituz, etxeratze prozesua egiteko ordua dela azpimarratu du Sarek Donostiako ekitaldian. Horretarako, kalean, aktibo, pausoz pauso edo pedalkadaz pedalkada bidea egiten jarraituko dute.

Hurrengo asteetarako ere ekimenak antolatu dituzte. Abuztuaren 3an Gasteizen, abuztuaren 20an Donostian, abuztuaren 26an Bilbon eta guztiok batera urriaren 8an Ilunben.

Tunisiako Errepublikaren 65. urteurrenean konstituzioari buruzko erreferenduma bozkatzeko eguna dute

Egun garrantzistua da gaurkoa Tunisian: batetik, 65 urte beteko ditu errepublikak; bestetik, urte bat beteko da Kais Said presidenteak parlamentua desegin, eta salbuespen egoera ezarri zuela; eta, laster, herrialdeak konstituzio berria onartu zuen eguna ere bilakatu liteke.
Bada kezka nagusi bat aldeko zein kontrakoen artean zabaldua dena: testua onartzeak Saiden agintaldia gutxienez 2034ra arte luzatzea ekar dezakeela. Halere, herritarren artean ez da bozketarekiko interes berezirik nabari.

'Ibilbide-orri komunista propioa eta eguneratua' aldarrikatu dute GKSk eta IAk Durangon

Asteazkenetik larunbatera egin dute Durangon Gazte Topagune Sozialista GKSk eta IAk. Hitzaldiak, tailerrak, kontzertuak eta bestelako egitasmoak burutu dituzte hiru egunez, eta, egitarauari amaiera eman dioten kontzertuen aurretik ekitaldi nagusia egin dute Landako Gunean. Hor nabarmendu dute; "proiektu historiko indarberritu bat, zapalkuntza guztiak gainditzea helburu duen proiektu komunista" ari direla sortzen.

Oier Zuñigak 'Eresia' antzezlana aurkeztu du

Oier Zuñigak 'Eresia' antzezlana egin du Belen Cruz aktorearekin eta Eneko Gil dantzariarekin batera, Udalbiltzaren Geuretik Sortuak egitasmoari esker. Ikuskizunak espazio sinboliko eta estetiko bat eskaintzen dio doluari, eta heriotzak dakarren minari buruz publikoki eta kolektiboki erreflexionatzea da bere helburua. Hona hemen aurkezpeneko irudiak.
hamaika telebista

11 laguntzaile

Image