Plazaz plaza Euskal Herri osoan barrena ibili zen urte luzez, eta 1990eko urteen hasieran saio gehien egiten zuten bertsolarien artean ibili zen. Gaztetatik lanean hasi eta soldaduska egitera Ferrolera (Galizia) bidali zuten gero, «marinara»; bi urte egin zituen han. Ameriketara egin zuen 24 urterekin, osabarekin, artzain, eta sei urte eman zituen han, 1967tik aurrera. Heldutakoan, Danobat lantegian hasi zen lanean, eta Cicautxon gero, 57 urterekin erretiroa hartu arte.

Bertsozaletasuna amaren aldeko familiagandik jaso zuela azaldu izan zuen; bere kasa ikasi zituen bertso zaharrak. 1960ko hamarkadan hasi zen jendaurrean kantari; urte hartan egin zuen lehenengo plaza, Markinan bertan, Abel Muniategirekin besteak beste. 1980ko urteetan egin zen ezagunago. 1989ko Txapelketa Nagusian finalaren atarian geratu zeeann, eta Orixe eta Xenpelar sariak ere irabazi zituen.
Bertsolaritzatik harago ere ezaguna egin zen Mañukorta azken urteetan. 2014an Xabier Amurizak haren inguruan ateratako liburuaren izenburua da horren erakusle: Mañukorta bertsonajea.

Iritsi da Frantziako Tourreko garaikurra Araba, Bizkaia eta Gipuzkoara. Julián Sanz eta Ziortza Villa ultrafondistek ekarri dute Parisetik bizikletaz. Hala, Tourraren etorrerak harrera berezia izan du uztailaren 26 honetan. Iparraldetik Irundik sartu ondoren, 9:50 aldera iritsi dira Donostiara. Gasteiza egin dute gero, eta Zornotzatik pasata, Bilbora. Hiri bakoitzeko ordezkari instituzionalek artatu dituzte.

Ordiziako 99. Txirrindularitza Klasikoa World Tourreko sei talderekin eta itzuli handiak irabazi dituzten txirrindulariekin hasi da. Txirrindulariek Barandiaran plazan egin dute ohiko izen-emate eta aurkezpen ekitaldia. Tartean izan da Israeleko taldea, Klasikan parte hartzen duena.

Israeli Boikot plataformak argi erakutsi du talde honen parte hartzearen kontrako jarrera. Palestinako banderak atera dituzte aurkezpen ekitaldian, 'Palestina askatu' oihu artean.

Jonas Vingegaard dinamarkarra izan da Frantziako Tourraren irabazlea 21 etaparen ostean. 21 etapa, zaletasuna behar da gero hainbeste lasterketa ordu jarraitzeko. Izan ere, jende askok jarraitu du aurtengo Tourra eta zaleak errepideetara bueltatu dira.