Saioak

All Stories

Politika Orokorrari buruzko Eztabaidan, Iñigo Urkulluk 5 akordio eskaini ditu

Urte politikoari hasiera eman diote Eusko Legebiltzarrean. «Ziurgabetasunak» baldintzaturiko egoera betean.Iñigo Urkullu lehendakariak hartu du lehenik hitza eta arratsaldean legebiltzarkideek izango dute euren ikuspuntuak plazaratzeko aukera. Euskal gizarteak dituen erronka nagusiei aurre egin ahal izateko, bost herri akordio proposatu ditu lehendakariak. Lankidetza da, lehendakariaren ustez, Euskadik dituen erronkei aurre egiteko modua.

0-3 plataforma: “Alderdiek adostutako itunak ez du egutegirik zehazten neurrietarako”

0-3 plataformako gatazkak luzera jo du, bada, konponbidea eman nahian, Nafarroako alderdi politiko gehienek itun bat sinatu dute. Navarra Suma, aldiz, bakarrik gelditu da parlamentua. Hala ere, 0-3 plataformak ohartarazi duenez, dokumentuan ez dute egutegirik zehaztu plantetzen dituzten neurriak ezartzeko.

Gaur aurkeztuko da 'Bi Arnas' dokumentala Zinemaldian

Gaur aurkeztuko da 'Bi Arnas' dokumentala Zinemaldian. Zinemiran eskainiko da, 20:30ean.

Iratxe Sorzabal bera eta bere ama ditu protagonista filmak. Baita, nonahiko eszenatoki bat ere, Kantauri itsasoa, eta honen gibelean, tortura. Tortura, olatuen barrenean isil bezain gogor jotzen, kolpatzen.

Dokumentala Borda Gorri Produkzioak ekoiztetxeak egin du, Muara Elkartearen laguntzarekin eta Jon Mikel Fernandez Elorzek gidoi eta zuzendaritzarekin. Irabazi-asmorik gabe egina da, torturaren errealitatea zabaltzeko helburuz.

2020tik entregatzeke zegoen Adarra Saria Kepa Junkeraren senideek jaso dute haren ordez

Kepak ezin izan du saria jaso, eta haren ordez, senideek hartu dute.

Musikariaren ibilbideari buruzko 'Berpiztu' pelikula estreinatu dute Zinemaldian. Dokumentalak Kepa Junkeraren ibilbidea jasotzen du, sormen zurrunbilo betean, iktus batek bizitza hautsi baitzion. Ganten konortea galdu zuen 2018ko abenduko egun hartatik, musikari bizkaitarra borroka etengabe batean murgilduta dago, hizketa eta mugikortasuna berreskuratzeko. Haren errehabilitazio prozesua jasotzen du Fermin Aio zuzendariak eta Garazi Velasco zuzendariordeak sortutako lanak.

Sindikatuek informazio gehiago eskatu diote Arcelor Mittali erregulazioaren arrazoiei buruz

Arcelor Mittalek aurkeztutako aldi baterako erregulazio espedientearen negoziazioek jarraitzen dute, gaur goizean bildu dira hirugarrez sindikatuak eta zuzendaritza. Arcelor Mittaleko zuzendaritzak aldi baterako enplegu erregulazio espedientea proposatu du Espainiako Estatu osoan. Espedientea ezbaidatzeko, negoziazio-batzordea eratu du enpresak, eta, bertan, ELA, LAB, UGT eta Comisiones Obreras sindikatuek parte hartzen dute. Asteazken eta ostegun bitartean batzarrak izan dituzte sindikatuek zuzendaritzarekin. Bada, aldi baterako enplegu erregulazioren arrazoiei buruz jasotako informazio eskasa dela salatu dute ELAk eta LABek.

David Cronenberg zuzendari kanadarrak jaso du Donostia Saria

David Cronenberg zinemagile kanadarrak Donostia Zinemaldiaren 70. edizioko bigarren Donostia Saria jaso du. Filmak egiten jarraituko duela agindu du, eta zinemaren krimena "inoiz baino beharrezkoagoa" dela.

David Cronenbergek (Toronto, Kanada, 1943) gaixotasuna, indarkeria, sexua, gorputza, esperimentazio zientifikoa eta halako gaien inguruan eratu du bere filmografia; izan ere, esperimentazio zientifikoak oso presentzia handia du Shivers (1975), Rabid (1977) eta The Brood (1979) filmetan.

Lasarte-Orian energia komunitate bat sortuko dute, 1.000 familia hornitzeko xedearekin

Estrategikoki kokatutako 6 instalazio izango dira, eta bertan panel fotovoltaikoak jarriko dira. Horien bidez, autokontsumorako erregimenean, udalerriko auzo eta eremu guztietara energia garbi eta berriztagarria eramatea bermatuko dela ziurtatzen da. Aurreikuspenen arabera, udalerriko 1.000 familia eta denda hornituko ditu, eta horri esker, argindarraren fakturan % 30 aurreztuko dute.
hamaika telebista

11 laguntzaile

Image