Skip to main content

Albisteak

Kongon 150 lagun desagertu dira ontzi bat urperatuta

Berria: mundua - duela 18 ordu 55 min
KINSHASA. Felix Tshisekedi Kongoko Errepublika Demokratikoko presidenteak atzo jakinarazi zuen 150 lagun desagertuta zeudela Kivu aintziran, astelehenean ontzi bat hondoratu ondoren. Atzora arte 37 bidaiari erreskatatu zituzten onik, eta hiru hilotz atera zituzten aintziratik. Gobernuko iturriek esan zuten ontziak pertsona gehiegi zeramatzalako gertatu zela istripua.
Kategoriak: Aktualitatea

Lehen zenbaketan Widodok irabazi ditu bozak Indonesian

Berria: mundua - duela 18 ordu 55 min
JAKARTA. Joko Widodo Indonesiako presidenteak irabazi ditu atzo Indonesian egindako parlamenturako eta presidentetzarako hauteskundeak, lehen zenbaketen arabera. Halaber, Prabowo Subianto hauteskundeak irabazteko bigarren hautagai nagusiak adierazi du uste duela bera izan dela garailea, eta jarraitzaileei eskatu die ez dezatela utzi bere garaipena zapuzten.
Kategoriak: Aktualitatea

Oposizioa berretsi dute Istanbulgo udal bozen irabazle

Berria: mundua - duela 18 ordu 55 min
ISTANBUL. Turkiako Hauteskunde Batzordeak atzo baieztatu zuen Ekrem Imamoglu CHP Herriaren Alderdi Errepublikanoko buruak irabazi dituela martxoaren 31n Istanbulen egindako udal hauteskundeak, eta ez Recep Tayyip Erdogan presidentearen AKP Justizia eta Garapena Alderdiak. AKPk udal bozak inpugnatzeko eskatu zuen, irregulartasunak egon zirela argudiatuta.
Kategoriak: Aktualitatea

290

Berria: mundua - duela 18 ordu 55 min
LONDRESEN ATXILOTUAKPoliziak 290 lagun atxilotu ditu Londresen, klima aldaketaren aurkako protestetan, bi egunetan. Manifestariek hiriko errepide nagusiak blokeatu zituzten, eta garraio publikora kateatu ziren batzuk. Poliziak adierazi du protesta gehiago egotea espero duela datozen asteotan. Talde ekologistek eskatu diote gobernuari neurri gehiago hartzeko klima aldaketaren arazoari aurre ...
Kategoriak: Aktualitatea

Bahimendua are gehiago gogortzeko

Berria: mundua - duela 18 ordu 55 min
Kubaren aurkako bahimendua betetzeko asmoa agertu izan du Donald Trump AEBetako presidenteak. Eta atzo aktibatutako neurriarekin, hori gogortzeko pausoa eman du. AEBek 1996an, Bill Clinton presidente zen garaian, onartu zuten Helms-Burton legea. Horren arabera, Kubako Iraultzaren garaian desjabetutako jabetzengatik enpresak auzitara eramateko aukera dute estatubatuarrek, jatorri kubatarrekoek ...
Kategoriak: Aktualitatea

Biztanle aktiboak gutxitzeak eragin du langabezia murriztea urtearen hasieran

Berria: ekonomia - duela 18 ordu 55 min
Eustat ez da Eusko Jaurlaritzari gauzak errazten ari. Legegintzaldi honetan langabezia tasa %10etik behera jaitsiko zuela agindu zuen Iñigo Urkulluren gobernuak, eta bazirudien helburua aise lortu zuela, 2018ko hirugarren hirugarren hiruhilekoan %9,5era apaldu baitzen. Baina urte erdia igaro da orduz gero, eta berriro komatik ezkerrera bi zenbaki jarri behar dira tasa idazteko orduan: Eustaten ...
Kategoriak: Aktualitatea

Mercedesek ez ditu langileak hartuko uda sasoian

Berria: ekonomia - duela 18 ordu 55 min
Gasteizko fabrikan beste ekoizpen murrizketa bat egiteko erabakia hartu du Mercedes konpainiak. Planak jasotakoa baino 4.000 ibilgailu gutxiago ekoitziko ditu plantak, eta jarduera txikitzeak beharginen egutegi aldaketa ekarri du berriro. Beste ondorio bat ere izango du: uda honetan Mercedesek ez ditu behin-behineko langileak hartuko.Vito furgoneten eskaria behera doa, eta Mercedesek ekoizpena ...
Kategoriak: Aktualitatea

Bigarrenez aurten, Alemaniak hazkunde iragarpena jaitsi du

Berria: ekonomia - duela 18 ordu 55 min
Usteak ustel Alemaniako ekonomiarentzat. Iazko bigarren erdian hasitako ahulaldia aurten gainditzeko moduan izango zela espero zuen Berlingo gobernuak, baina errealitate egoskorrarekin egin du topo: susperraldirik ez du espero aurten, esportazioak txikituko dizkiotelako merkataritza gerrek, brexit-ak eta autoen gas isurketak kontrolatzeko araudi berriek. Ondorioz, hazkunde iragarpena jaitsi egin ...
Kategoriak: Aktualitatea

Beste garraiolari bat hil da Gasteizko Sidenorren lan istripu ez-traumatikoan

Berria: ekonomia - duela 18 ordu 55 min
GASTEIZ. Pasaiako Portuan hildako garraiolariaren heriotza salatzeko elkartu ziren herenegun ELA, LAB, ESK, Steilas, EHNE eta Hiru, eta atzo jakin zen Gasteizko Sidenorren beste garraiolari bat hil dela, hura ere lan istripu ez-traumatikoan. Gehiengo sindikalak galdetu du kasualitatea ote den, eta erantzuna ere badauka: «Ez, kausalitatea da».
Kategoriak: Aktualitatea

58

Berria: ekonomia - duela 18 ordu 55 min
ARABAK ZENBAT TXIKITU DUEN ZORRA, MILIOI EUROTANZerga bilketa handia zorraren zama txikitzeko baliatu du Arabako Aldundiak. Legealdia 589,8 milioi euroko zorrarekin amaituko du, 2015ean baino 58 milioi gutxiago. Atzo iragarri zuenez, Indesaren zor guztia pagatu du (1,5 milioi) eta Araba Garapen Agentziarena 9,9 milioi txikitu du. Gainera, geratu zaion zorraren interesa %3,4tik %1,93ra murriztu du.
Kategoriak: Aktualitatea

ELAk salatu du Nafarroan gaur merkataritza gune handiak irekitzea

Berria: ekonomia - duela 18 ordu 55 min
IRUÑEA. Jaieguna izan arren, gaur irekita izango dira Nafarroako saltoki handiak, horretarako baimena duten hamar egunetako bat baita. «Ez da inolaz ere beharrezkoa», salatu du ELAk, eta eskatu die herritarrei kontzientzia har dezatela jaiegunetan lan egitea «langile klasearen interesen aurkakoa» dela.
Kategoriak: Aktualitatea

Kamioientzako bidesarien arau berriak Europako Batasunaren oniritzia lortu du

Berria: ekonomia - duela 18 ordu 55 min
DONOSTIA. Europako Batasunak oniritzia eman dio Gipuzkoako Foru Aldundiari kamioentzako bidesariei dagokien foru araua dela eta. Justiziak kamiolarien alde egin zuen, bidesarien sistema baztertzailea zela ebatzita, eta diputazioak bidesarien kokapena aldatu du legezkoa izan dadin.
Kategoriak: Aktualitatea

Ongizate gizartearen zutabeak egokitzeko

Berria: gizartea - duela 18 ordu 55 min
Nabarmen aldatuko da egitura demografikoa datozen hamarkadetan. 65 urteko atalasea gaindituko duten pertsonen kopurua asko handituko da, eta ez da hein berean gertatuko beste adin tarteetan. Aldaketa horiek egun ez dauden beharrak sortuko dituzte gizartean; are, adituek iragarri dute aurki nabaritzen hasiko direla. Egoera hori erronka bat da administrazio publikoentzat. Gizartearen ongizatea ...
Kategoriak: Aktualitatea

Besarkada bat eskubideak babesteko

Berria: gizartea - duela 18 ordu 55 min
Europak duen egoerarekin kezkatuta agertu dira Euskal Herriko Eskubide Sozialen Gutuneko eta Ongi Etorri Errefuxiatuak plataformako kideak. «Neofaxismoaren eta Europan ezartzen ari diren politika migratzaileen aurka gaudela adierazi nahi dugu». Salaketa hori egin nahi dutela azaldu du Nati Ovelleiro Ongi Etorri Errefuxiatuak plataformako kideak, eta horretarako ekitaldi bat prestatu dutela. ...
Kategoriak: Aktualitatea

EHUko kontratu bat, ezbaian

Berria: gizartea - duela 18 ordu 55 min
Ikasle Ekintzak eskatu du bertan behera uzteko Emanuele Castano ikertzailea kontratatzeko tramitea. EHUko Donostiako Psikologia Fakultateko sail batek Castano kontratatzeko prozesua hasi duela azaldu du ikasle elkarte horrek. Halaber, gogora ekarri du kertzaile horrek salaketak jaso dituela sexu jazarpenagatik, 2012tik. Beraz, gizon hori kontratatzea fakultateko ikasleen segurtasunerako ...
Kategoriak: Aktualitatea

<b>Aske da Khalid el-Haddadi, Marokon lau egunez atxilo egon ondoren</b>

Berria: gizartea - duela 18 ordu 55 min
Khalid el-Haddadi Bilboko bizilaguna behin-behinean libre utzi dute Marokoko segurtasun indarrek. Igandetik zegoen atxilotuta. Immigrazio ilegalarekin lotutako delituengatik atzeman zutela jakinarazi du Jone Goirizelaiak, EH Bilduko Bilboko alkategaiak, Khalid el-Haddadiren kasuarekin dagoen abokatuarekin hitz egin ondoren. Hala eta guztiz ere, haren kontrako karguak egonagatik, Bilbora itzultzeko...
Kategoriak: Aktualitatea

Hirigintza neurri «erasokorrak» salatu dituzte Donostiako azken udalbatzan

Berria: gizartea - duela 18 ordu 55 min
DONOSTIA. Hirigintzarekin lotutako gaiak nagusitu ziren Donostiako legegintzaldiko azken udalbatzan, atzo. Donostia Defendatuz koordinakundeak hirigintza neurri «erasokorrak» abiarazi izana leporatu zion udalari, eta manifestaziora deitu du maiatzaren 4rako. Metroaren lanak ere izan zituzten hizpide, eta Amara Zaharreko bizilagunen atseden hartzeko eskubidea aldarrikatu zuten. EH Bilduk eta ...
Kategoriak: Aktualitatea

Emakumezko baten gorpua aurkitu dute Ahurtin, indarkeria zantzurik gabe

Berria: gizartea - duela 18 ordu 55 min
BAIONA. Poliziak ikerketa bat abiarazi du Ahurtin (Lapurdi) agertu den 62 urteko emakumezko baten heriotzaren nondik norakoak ikertzeko. Poliziak ezagutarazi du gorpuak ez duela indarkeria zantzurik. Bildutako lehen datuen arabera, bere buruaz beste egin duela uste dute. Zendutakoaren ahizpak apirilaren 9an Poliziara jo zuen. Hildakoaren autoa Baionan aurkitu dute, berriki.
Kategoriak: Aktualitatea

Erandioko nasan 67 urteko gizonezko baten gorpua topatu dute

Berria: gizartea - duela 18 ordu 55 min
BILBO. Eusko Jaurlaritzako Segurtasun Sailak jakinarazi du gizonezko baten gorpua aurkitu dutela Bilboko itsasadarrean, Erandioko nasan. 67 urteko gizonezko baten hilotza da, eta ez du indarkeria zantzurik, Ertzaintzak ezagutarazi duenaren arabera. Asteartean 21:45 aldera atera zuten suhiltzaileek uretatik. Egunotan autopsia egingo diote, heriotzaren zergatiak argitzeko.
Kategoriak: Aktualitatea

<LG>inkestak. <YLG> Sukaldea eta osagaiak

Berria: politika - duela 18 ordu 55 min
Kritika guztien jomugan egon ohi dira: batzuk, huts egiteagatik; beste batzuk, berriz, asmo politikoak ezkutatzen dituztelakoan, alderdi batzuk puztuta edota beste batzuek izan dezaketen babesa gutxietsita. Jasotako datuak kozinatzea leporatu ohi zaie, erdeinuz. Eta, hala ere, hedabide eta herritar askok kasu egin ohi diote hauteskunde aurreko zenbaki saltsari, inkestek azaleratzen dutenari. Azken...
Kategoriak: Aktualitatea
Gizartea

Soldata arrakala salatu du LAB sindikatuak

admin, 2019-02-22

Bizikletak hartuta, soldata arrakala salatzeko pikete feminista egin dute gaur LAB-eko hainbat emakumek Donostiako kaleetan. Goizeko 10:30etan Artzain Onetik atera, eta eguerdiko 12:00etarako iritsi dira Gipuzkoako Foru Aldundiaren atarira. Bertan salatu dutenez, soldata arrakala ez da diru kontu bat bakarrik.

 
Gizartea

Pitzadurak, Donostiako metroaren lanen alboko eraikin batean

admin, 2019-02-21

Lehen pitzadurak agertu dira dagoeneko Donostian, metroaren eraikuntza lanen ondoan. Zehazki, Zubieta kaleko lehen zenbakiko goiko solairuan azaldu dira pitzadurak, Donostia Defendatuz koordinakundeak jakitera eman duenez.

 
Politika

Iñaki Uriaren gogoeta Egunkariaren itxieraren 16. urteurrenean

admin, 2019-02-20

Gaur bete dira 16 urte Egunkaria itxi zutenetik. Orduan gertatutakoa goga, Kataluniako autodeterminazio prozesuarekin gertatzen ari dena eta Gara egunkariari ezarritako zama ekonomikoa izan ditu hizpide Iñaki Uria, Hamaika Telebistako zuzendariak.

 
Politika

Lan harremanetarako Euskal Esparruaren aldarria berretsi du LABek

admin, 2019-02-19

Lan Harremanetarako eta Babes Sozialerako Euskal Esparrua aldarrikatu du LAB sindikatuak, ELArekin batera horixe aldarrikatuz egindako mobilizazioen 25. urteurrenean. Ipar Hegoa fundazioarekin elkarlanean Donostiako Kursaalean egindako jardunaldian, aldarrikapen horren garrantzia azpimarratzeaz gain, Kataluniako herriari elkartasuna adierazi dio Garbiñe Aranburu LABeko idazkari nagusiak.

 
Gizartea

Erraustegiaren isuri toxikoenak urtean 24 orduz bakarrik neurtuko dituzte

admin, 2019-02-18

Erraustegiaren isuri toxikoenak ez dira modu iraunkorrean neurtuko. Hala dio GuraSOS plataformak gaur publiko egindako txosten konfidentzial batek. Aldunditik behin eta berriz sustantziarik toxikoenak etengabe neurtuko zirela errepikatzen jardun duten arren, GuraSOSek publiko egindako txostenaren arabera bi hilabetean behin egingo dira neurketa horiek lehen urtean, eta hiru hilabetean behin bigarren urtetik aurrera. Kalkuluak eginda, Erraustegia martxan jarri eta lehen urtean, guztira, 36 ordu bakarrik neurtuko dira. Bigarren urtetik aurrera denera urtean 24 orduz bakarrik egingo dira neurketak.

 
Politika

Preso politiko kataluniarrekiko elkartasuna Donostiatik

admin, 2019-02-18

4.000 lagun baino gehiago bildu ziren atzo Donostian, Gure Esku Dagok autodeterminazioaren alde eta preso politiko kataluniarrei elkartasuna adierazteko egindako manifestazioan. Euritako horiak hartuta,” Konponbidea, Democracia, Llibertat” lelopean egin zuten Katalunia Plazatik Boulevarderainoko bidea. Euritakoez haratago ere, horia izan zen parte hartzaileek soinean zeramatzaten arropetan gehien errepikatu zen kolorea.