Martxoak 3ko sarraskiaz geroztik 50 urte igaro dira 2026 honetan, eta horren harira, egitarau berezia diseinatu du LAB sindikatuak. Ostegun honetan eman dute horren berri Gasteizko Zaramaga auzoan egindako agerraldian. Azaldu dutenez, erakusketak eta solasaldiak egingo dituzte, eta egunean bertan ekitaldi nazionala burutuko dute hiriko Europa Biltzar Jauregian.