Kerman Villateren familiak helegitea aurkeztu du Espainiako Auzitegi Gorenean Arabako Probintzia Auzitegiak “epaiketa osoa izateko eskubidea ukatzea” erabaki eta “zinpeko epaimahai baten esku hartzea” baztertu ondoren. Villate ustez Gasteizko Mitika diskotekako atezain batek emandako kolpe baten harira hildako gaztea da.
Helegitearen bitartez, akusazio partikularrak “Kermanek erreparaziorako, egiarako eta berme guztiak dituen epaiketarako duen eskubidea” defendatu nahi du. Era berean, Villateren familiak zabaldutako oharraren arabera, Arabako Probintzia Auzitegiak hartutako erabakia “gertakarien interpretazio batean oinarritzen da, dauden froga objektiboetatik urrun”.