Kakitzat koordinatzaile antimilitaristak elkarretaratzea egin du Bilbon, Carlton hotelaren aurrean. Jakinarazi dutenez, bertan euskal industria militarrari buruzko mahai ingurua egin da, eta hizlarietako bat armamentu enpresa nagusietako bat izan da, SAPA.
Kakitzateko kideek prentsa oharrean ohartarazi dute SAPAk Israelgo armadarekin milioika euroko negozioak dituela eta beste enpresa batzuekin batera, “gaur egungo gerra testuinguruan armak salduz aberastea erabaki dutela, errugabeen sufrimenduaren eta heriotzaren kontura”.