Ernai gazte antolakundeak Euskal Herriaren burujabetza aldarrikatu du Irun eta Hendaia artean dagoen Faisaien Uhartean ekintza baten bidez. Gazteek plaka bat eta ikurrina jarri dituzte Bidasoia ibaian dagoen irlan. Hain zuzen ere, ostegun honetan uhartearen jabetza Espainiako Estatuaren eskuetatik Frantziako Estatuaren eskuetara pasatuko da. Gazte antolakundeak aldarrikatu du uharte hori eta Euskal Herria ez direla "ez Frantzia, ezta Espainia ere".