Astelehenean, Bizkaiko Batzar Nagusiek 2026rako Aurrekontu Orokorren Foru Araua onartu zuten, EAJren eta PSEren babesarekin. Guztira, Bizkaiko Foru Aldundiak proposatutako aurrekontua 11.320,3 milioi eurokoa da, eta horrek %4ko hazkundea dakar aurreko urtearekin alderatuta. Kopuru horretatik, 2.249,2 milioi euro aldundiak zuzenean kudeatuko dituen kontuentzat dira, eta 1.716,2 milioi bederatzi departamentuen artean banatuko dira.