Dagoeneko irekita dago Arabako kontzejuetako hauteskundeetan hautagaitzak aurkezteko epea. Arabako Foru Aldundiak iragarritakoaren arabera, azaroaren 23an egingo dira eta guztira 3.000 herritarrek izango dute bozkatzeko aukera.  

Era berean, jakinarazi dute hautagaitzak banakakoak izango direla eta urriaren 21a baino lehen aurkeztu beharko direla. Hautagaitzarik aurkezten ez den kasuetan, botoa emateko orria hutsik egongo da eta beraz, hautesleek idatzi beharko dituzte herritarren izenak.