Euskalgintzaren Kontseiluak agerraldiak egin ditu Bilbon eta Donostian, euskararen aurkako azken sententziak salatzeko. Horietan adierazi dute sententziaz sententzia euskararen ofizialtasuna bera deseraikitzen ari dela botere judiziala. Azaldu dutenez, azken honek ontzat ematen duen markoa gaztelaniaren erabateko nagusitasunaren aldekoa da, eta horrenbestez, euskara beti minorizatuta nahi dute.