'Errespetu Nagusia' lelopean, Bilboko Udalak jaietan eraso matxista, arrazista eta LGTBIQ+fobikoak prebenitzeko eta artatzeko estrategia integrala jarriko du martxan aurten ere. Kanpaina larunbat arratsaldean, hilak 16, aktibatuko da ofizialki txupinazoaren jaurtiketarekin eta Marijaiaren agerpenarekin batera.

Udalak azaldu du baliabide publiko eta arreta-dispositibo ugari jarri dituela martxan eguneko 24 orduetarako, Berdintasun eta Jaietako, Segurtasuneko, eta Gizarte Ekintzako sailek bultzatuta.