Tubos Reunidosek hartzekodunen borondatezko konkurtsoa aurkeztu du Arabako epaitegi batean, enpresaren arabera “berehalako kaudimen gabezia” dela eta hartu dute erabakia. Ohar batez eman dute albistearen berri, eta azken hilabeteetan Tubos Reunidosen ematen ari diren “tentsioek” eragin dutela erabakia azaldu dute. Hain zuzen ere, langileak greba mugagabean daude enpresako zuzendaritzak iragarritako 285 kaleratzeen aurka.