Gipuzkoako erresidentzia eta eguneko zentroetako hitzarmen sektorialaren negoziazioa urtarrilean abiatu zen. ELA sindikatuak esan du lau bileren ondoren patronalek ez dutela sindikatuak egindako aldarrikapenei ia erantzun ere egin eta sektoreak dituen arazo nagusiei ez diela heldu nahi. Hitzarmen berriaren negoziazioan dagoen blokeoa gainditu eta sektoreko langileen artean zabaldu den prekaritatearekin amaitu asmoz, ELAk sei greba egun deitu ditu.