Skip to main content

Bideoteka

Bideotekan bilatu
bideoaren irudia
Nafarroako Gobernua, Altsasukoen aldeko manifestazioarekin bat, eskubideen bermeagatik

2018-04-11

Nafarroako Gobernuak bat egin du parlamentuak Altsasuko gazteen mobilizazioaren alde onartutako adierazpenarekin, baita gehiengo sindikalak egindako aldarrikapenekin ere. Gobernuko bozeramaile Maria Solanak prentsa aurrean salatu du Altsasuko auzian hartutako erabaki judizialak neurriz kanpokoak izan direla, eta, hortaz, foru erkidegoko erakunde nagusi gisa larunbateko manifestazioan parte hartuko dutela, herritarren eskubideak bermatzeko beharra aldarrikatzeko.

bideoaren irudia
Anarik jasoko du Adarra saria, euskal musikari egindako ekarpenagatik

2018-04-11

Anari Alberdik jasoko du Donostiako Udalak ematen duen Adarra saria, ekainaren 21ean. Mikel Laboa izan zen lehena sari hori jasotzen, 2014an. Sei urte baziren hila zela, eta Donostiako Udalak haren ibilbide oparoa saritu nahi izan zuen. Segidan etorri ziren Ruper Ordorika, Benito Lertxundi eta Fermin Muguruza, hurrenez hurren. Musikariaren ibilbideari ematen zaio Adarra saria, eta 21 urte badira Anari diskoak argia ikusi zuela. Horixe izan zuen bakarkako lehen lana.

Tabakalerako zuzendari Edurne Ormazabalek, Amaia Ispizua musika sustatzaileak eta Donostia Kulturako Musika ataleko zuzendari Esther Fernandino batzordeko kideek proposatu zuten haren izena, euskal musikari egin dion ekarpen begi-bistakoa nabarmentzeko.

bideoaren irudia
Egurrezkoa brontzera, betirako izan dadin

2018-04-11

Europa zaharreko hizkuntzak bezala, horiek denak biltzen zituen mapa ere kontserbatu nahi izan dute donostiarrek, eta Udalaren eskariz, 2016an egurrez sortu zuten eskultura brontzera ekarri dute.

Bagerak ospakizun ekitaldi bat antolatu du apirilaren 21erako, Kultura Aniztasunaren Nazioarteko Egunarekin, artelanaren bueltan, eta egileak azalpen gehiago eskainiko ditu.

bideoaren irudia
Nafarroako Gobernuak bat egin du larunbateko manifestazioarekin

2018-04-11

Foru Gobernuak bat egin du Nafarroako Parlamentuak Altsasuko gazteen mobilizazioaren alde onartutako adierazpenarekin bai eta gehiengo sindikalak egindako aldarrikapenekin ere. Gobernuko bozeramaile den Maria Solanak gaurkoan prentsa aurrean salatu du Altsasuko auzian hartutako erabaki judizialak neurritasun printzipioaren aurkakoak izan direla eta, hortaz, erkidegoko erakunde nagusi moduan larunbateko manifestazioan izanen direla, herritarren eskubideak bermatzeko beharra aldarrikatzeko. Solanak deia egin dio Nafarroako jendarteari Altsasuko Gurasoek antolatutako mobilizazioan parte hartzeko.

 

 

bideoaren irudia
Gure oroitzapenak, Joseba Sarrionandia idazlearen obran oinarritutako film kolektiboa

2018-04-11

Gure oroitzapenak, Joseba Sarrionandia idazlearen obran oinarritutako film kolektiboa da. Une honetan “ari gara” edo “work in progress” fasean dago. Bilboko Adabaki ekoiztetxeak produzitu du eta Elkar argitaletxeak, Gastibeltza filmak eta Zenbat Gara elkarteak ere parte hartzen dute. Hamabi zinemagileek pieza bana sortzen ari dira, Joseba Sarrionandiaren corpus literarioan murgil egin eta itsaso sakon bezain zabal horren puzle bat osatu nahian dabiltza. Hartara, Sarrionandiaren iruditeria poetiko eta literarioa zinema lan luze batera bilduta agertuko zaigu lehendabizikoz. Pieza guztiak hari fin batek lotuko ditu eta abiapuntuak ezezik trataera estetikoak ere batasuna emango dio lanari.

bideoaren irudia
Altsasuko gazteak urte eta erdiko ibilbidearen ondoren

2018-04-10

Epaiketaren ateetan, Altsasuko gazteen auziak hasieratik izan duen neurriz kanpoko oihartzun mediatikoa bai eta gazteek eta herriak hedabideetan jasotako trataera aztertuko dugu. Horrekin batera, prozesu osoan izandako eskubide eta askatasun urraketak eta senideek nola bizi izan duten jasotzen du honako erreportaiak.