Skip to main content

Bideoteka

Bideotekan bilatu
bideoaren irudia
Elikadura burujabetza sustatzeko hitzarmena sinatu du Gipuzkoako Aldundiak

2014-06-11

Gipuzkoako Aldundiak elikadura burujabetza sustatzeko hitzarmena sinatu du Via Campesina eta Etxalde nekazari mugimenduekin. Hitzarmenaren bidez 150.000 eta 50.000 euro bideratuko ditu, hurrenez hurren, nekazal mugimendu hauek babestu eta sustatzera.

bideoaren irudia
Kutxabanken pribatizazioa saihestuko lukeen herri akordiorako deia egin du EH Bilduk

2014-06-11

EH Bilduk Kutxabanken izaera publiko eta soziala bermatuko duen herri akordiorako deia egin die euskal eragile sozial, sindikal eta politikoei. Funtsean, hiru ideia nagusiren baitan eraikiko litzateke akordioa, eta kapital pribatuaren kontrako jarrera irmo eta publikoa izango luke oinarrian.

bideoaren irudia
Arteshop artea kalean

2014-06-10

ARTESHOPen laugarren edizio honetan, 75 ikaslek eta beste horrenbeste saltegik parte hartuko dute harreman emankor honetan. UPV/EHUko Arte Ederren Fakultateko ikasleek, euren lanak egiterakoan, Bilbao Arte Fundazioko hamar artistaren laguntza izango dute. Artista horiek komisariotza-lana egingo dute.

bideoaren irudia
Euskal preso politikoak hurbiltzeko eskariak baztertu egin dituzte

2014-06-10

Euskal Preso Politikoen Kolektiboko kideek ekainarekin amaituko dute Euskal Herrira ekartzeko eskaerak aurkezten. Gehienek, 500 bat presok, egin dituzte dagoeneko eskaerak. 20 ezezko jaso dituzte jada, eta guztiek argudio bera erabiltzen dute, Alfontso Zenon eta Maritxu Paulus abokatuek jakinarazi dutenez.

bideoaren irudia
Koldo Zuazo: "Hizkuntzaren mugak eta muga administratiboak bereizi behar dira"

2014-06-10

Gurean Gaur saioaren elkarrizketa atalean, Koldo Zuazo hizkuntzalaria izan dugu. Zuazok 25 urte daramatza euskalkiak ikertzen. Bonapartek egindako euskalkien mapa izan da betidanik erreferente gai honetan baina mapa hori aldatzeko beharra ikusi zuen Zuazok. Garai bateko euskalkien egoera islatzen zuen, baina ez ordea gaur egungoa. "Euskalkiak" izeneko bere azken lana argitaratu du, berritua.

bideoaren irudia
Arrakala, heteroarauaz hausnartzeko giltza

2014-06-10

Topatu gazte proiektu komunikatiboak eta Bilgune Feministak elkarlanean Arrakala izeneko proiektua jarri dute martxan. Dokumentala estreinatuko dute Donostiako Kafe Antzokian ostiral honetan. Heteroarauaren inguruko eztabaida sortzea da helburua. Estreinaldiaren aurretik haiekin egoteko aukera izan dugu.