Skip to main content
bannerra

Bideoteka

Bideotekan bilatu
bideoaren irudia
Skasti taldearen emanaldia, Elkar Estudioa Sesioak programan!

2014-10-28

Urriaren 31n, Skasti taldearen zuzeneko emanaldi berezia izango dugu Elkar Estudioa Sesioak programan. Bigarren denboraldiko aurreneko kontzertua izango da. Zarauzko bandak bere NewSkaDance proposamena eskainiko du.

bideoaren irudia
"Emakumeak lurraren defentsan": elikadura burujabetzaz

2014-10-25

Supermerkatura sartu eta zenbatetan galdetu diozue zuen buruei eskuan duzuen tomatea nondik datorren? Zer jaten dugu? Horri buruzkoa da "Emakumeak lurraren defentsan" izeneko dokumentala. Lan honetan, zenbait herrialdetan zehar egindako bidaiari esker, elikadura burujabetza, ingurumena eta lurraldea defendatzeko esperientziak lantzen dira. Bertan Nikaragua, Bolivia edota Euskal Herriko emakume baserritarren ahotsak jasotzen dira, lurraren defentsa aldarrikatzen duten emakumeen ahotsak, hain zuzen ere.

bideoaren irudia
Adrian Zelaia: "Aurrezki kutxak kreditu kooperatiba bihurtu beharko lirateke"

2014-10-24

Gurean Gaur elkarrizketa saioan, Adrian Zelaia EKAI Center -eko lehendakaria izan dugu. Besteak beste, Kutxabank aferari heldu diogu. Izan ere, legea tarteko bada ere, bere ustez, badira kudeaketarako alternatiba ezberdinak.

bideoaren irudia
Bere diskorik "onena eta landuena" kaleratu du Itziarren Semeak taldeak

2014-10-24

Itziarren Semeak taldeak Revolta izeneko diskoa aurkeztu berri du. Diskoa aurkezteko egindako ekitaldian taldekideek azaldu dutenez euren diskorik onena eta landuena da hauxe, Revolta izenekoa. Horren adierazle da lan berria prestazeko taldeak urtebete hartu duela, aurreko diskoak hilabete gutxitan prestatu dituzten bitartean. Orain taldea Argentinara doa diskoa aurkezten. Azaroaren 6tik 15era bira egingo dute Hego Ameriketan, hau dela eta Euskal Herrian azaroaren 22a bitarte itxaron beharko dugu lana zuzenean entzuteko.

bideoaren irudia
Olatz de Andrés koreografoaren lana ikusteko aukera izango dugu BAD jaialdian

2014-10-24

Bilboko Antzerki eta Dantza Garaikide Jaialdiaren hamaseigarren edizioa indartsu etorri da Bizkaiko hiriburura. Euskal sorkuntza berriak  presentzia handiagoa izango du edizio honetan baina  nazioarteko konpainien lanak alde batera utzi gabe. Guztira, programazioak 14 estreinaldi eta jaialdirako propio sortutako hiru kooprodukzio lan jasotzen ditu. Hauetako bat Olatz de Andrés koreografoaren azken lana. El cielo ahora da honen izena eta mitoaren eguneratzea jorratzea da bere helburua. Horretarako Medusaren mitoa hartuko du oinarri. Begiratzen zuena harri bihurtzeko gaitasuna omen zuen mito honetako protagonistak.

bideoaren irudia
LOMCE legea sirimiria bezala iritsi da

2014-10-24

2014-2015 ikasturtea aldaketaz beterik dator. LOMCE legearen ezarpenaren lehenengo ikasturtea hasi da, Eusko Jaurlaritzatik eta Nafarroako Gobernutik lasaitasun mezuak bidaltzen badituzte ere, Hezkuntza komunitatea ozen aldarrikatzen ari da azken hamarkada luzeetan inposatu den legerik gogor eta atzerakoiena jada abian dela, eta hurrengo urteetan erabat garatzeko arriskua dagoela.