Skip to main content

Bideoteka

Bideotekan bilatu
bideoaren irudia
Ehun euskal presok berehala aske geratu behar lukete, abokatu eta medikuen hitzetan

2018-07-12

Mati Iturralde eta Miren Arana medikuek eta Iñaki Zugadi eta Haizea Ziluaga abokatuek eman dituzte libre egon beharko luketen presoen inguruko xehetasunak. Esan dutenez, 24 dira gaixotasun larri eta sendaezinak dituztenak; horietatik hamasei agertzen dira argitara atera den zerrendan, eta beste zortzik nahiago izan dute euren egoera publiko ez egitea, arrazoi pertsonalak direla medio. 

Emakume presoen egoera nabarmendu dute, zortzi adingabeen amak direlako eta hamabi bakarturik dauzkatelako.

bideoaren irudia
#11Mundiala Kroaziak historia egin du

2018-07-12

Ingalaterra mendean hartu ostean, talde balkandarrak munduko txapelketa jokatuko du. Hitzordua, igandean, 17:00etan, Frantziaren aurka. Kroaziak balentria egin du, lau milioi biztanle dituen herria izanik, kirol azpiegitura urriekin edo gerra zein erbestearen semeak diren jokalariekin. Honatx, Beñat Zarrabeitiaren analisia.

bideoaren irudia
EGUNEKOA: uztailaren 12ko albiste nagusiak

2018-07-12

Mediku eta abokatuek ehun euskal preso lehenbailehen aske uzteko egindako eskaerari erreparatu diogu aktualitate politikoan. Horrez gain, Arabako Kaleratzeak Stop plataformak Vitalquilerren eta Laboral Kutxaren aurka egindako salaketaren berri ere jaso dugu.

bideoaren irudia
Ehun preso inguru "berehala askatzeko" eskaera egin dute mediku eta abokatuek

2018-07-12

Ehun preso inguru "berehala askatzeko" eskaera egin dute mediku eta abokatuek. Gaixotasun larri eta sendaezinak, zigorraren hiru laurdenak bete dituztenak edo 70 urte baino gehiago dituztenak hain zuzen ere.

Espainiar legediak berak neurri hauek ahal bidetzen dituztela azaldu dute Mati Iturralde eta Miren Arana medikuek eta Iñaki Zugadi eta Haizea Ziluaga abokatuek. Horiek horrela, eri dauden presoen egoerarengan arreta berezia jarri dute, espetxeak ez bai dira gaixotasunak diagnostikatu eta tratatzeko leku egokiak. Hortaz, euren berehalako askatasuna eskatu dute.

bideoaren irudia
Vitalquilerri eta Laboral Kutxari familien sufrimenduarekin negozioa egitea egotzi diete Gasteizen

2018-07-12

Joan den urtarrilean kaleratu behar zituzten, baina orduan etxegabetzea saihestu zuten eta orain Vitalquilerrek 5.000 euroko faktura bat igorri eta Laboral Kutxak gastu judizialengatik 850 euroko eskatu dizkiete.

Hargatik, etxegabetzeen aurkako plataformak Eusko Jaurlaritzari eta Gasteizko Udalari eskatu die zorra baliogabetzera behartu ditzatela auzian dauden enpresak. Horrez gain, erakunde publikoei eskatu diete Vitalquilerren hitzarmenak aztertzeko eta neurriz kanpoko klausulak ezabatzeko.

Vitalquilerrek, Zabalganako etxe batetik sei lagun kanporatzea eskatu zuten, 5.000 euroko abal bat berritu ezin zutelako eta alokairuko 525 euroak ere ordaindu ezin zituztelako. Izan ere, familiaren diru sarrerak 760 eurokoak ziren. Apirilean, lortu zuten Eusko Jaurlaritzak familiari alokairuko etxe bat jartzea baina Vitalquilerrek eta Laboral Kutxak zorrak kitatzeko eskatzen segitzen dute. Eta Kaleratzeak Stop plataformaren ustez, ezin da onartu familiari egiten ari zaizkion jazarpena.

bideoaren irudia
Kaiku eta Urdaibai nagusitu ziren Bizkaiko traineru txapelketan

2018-07-12
Bizkaiko traineru txapelketa jokatu zen atzo arratsaldean Lekeition. Emakumezkoen mailan hiru ontzik parte hartu zuten eta gizonezkoenean bederatzik. Emakumeak txanda bakar batean lehiatu ziren, eta Kaikuk eman zuen ustekabea, iazko txapeldunari, Deusturi, erraz irabazita. Sestaoko taldeak lehen aldiz jokatu zuen Bizkaiko txapelketa, eta 19 segundo atera zizkion Deustuarrei. Lea Artibairi hirugarrenari, ia minutu eta erdiko aldearekin gailendu zitzaion. Gizonezkoena ondoren jokatu zen eta azkeneko txandan egin zuen arraun txapeldunak, Urdaibaik. Estropada gogorra izan zen, lehen luzean Zierbena sei segundo aurretik zelako. Bigarren luzean irauli zuen egoera Bou Bizkaiak eta barruko balizetara 8 segundo aurretik iritsi zen. Hirugarren luzea zazpi segundo aurretik egin zuen Urdaibaik baina Zierbenak estutu egin zuen azken luzean, eta, txapeldunarengandik 3 segundora gerturatu zen helmugan. Hamaikagarren aldiz irabazi zuen Urdaibaik txapelketa. Bigarren txandako garailea Isuntza izan zen, eta hirugarren bukatu zuen, pasa den larunbateko ligako jardunaldian bandera irabazi ostean, momentu onean daudela erakutsiz. Laugarren Ondarroa izan zen, txanda horretako bigarrena. Gipuzkoako txapelketa ere jokatu zen atzo Mutrikuko urtean. Emakumezkoetan, San Juanek Oriori ia 2 atera zizkion, txapelketa laugarren aldiz irabazteko. Gizonezkoetan, Hondarribiak estropada goitik behera menderatu zuen, Oriori 22 segundo eta Donostiarrari ia minutu erdi aterata helmugan. Euskadiko txapelketan parte hartuko duten partaideak argitu dira atzoko estropadak jokatu ostean. Emakumezkoetan, Kaiku, Deustu, Lea-Artibai, San Juan, Orio, Donostiarra eta Hondarribia lehiatuko dira. Gizonezkoetan, berriz, Urdaibai, Zierbena, Isuntza, Ondarroa Hondarribia, Orio, Donostiarra eta San Pedro arituko dira uztailaren 31ean Lekeition jokatuko den txapelketan.