Skip to main content
bannerra

Bideoteka

Bideotekan bilatu
bideoa prestatzen
Mugimendu antiespezistaren hazkundea

2018-10-16
Sortu berri den NOR Euskal Herria Antiespezista kolektiboko bozeramailearekin izan gara taldeak, zenbait hiltegitan infiltratuta, egindako ikerketa lana ezagutzeko. Bestetik, Hutsun Txalaparta taldeak bere lehenengo diskoa kaleratuko du eta horren sorreraren inguruan hitz egin dute elkarrizketan.
bideoa prestatzen
Urriaren 28tik 2019ko udaberrira, entzungai izango da Eñaut Elorrietaren 'Harian'

2018-10-16

Hil honen 28an estreinatuko da Eñaut Elorrietaren ‘Harian’ proiektuko kontzertu bira, Bilboko Arriaga antzokian eta 2019ko udaberrira arte iraungo du. Ohikoa duen musika banda hari boskote batekin ordezkatu du Elorrietak proiektu horretarako. Euskadiko Orkestra Sinfonikoko bost musikarik osatutako Kaabestri String Ensemble boskotea izango du lagun. Oscar Lopez, Igor Torre eta Arkaiz martinez biolinistak; Jon Arraz txelo jotzailea eta Paloma Torrado kontrabaxista, alegia.

Lau abesti berri grabatu dituzte elkarrekin, baina ez dute euskarri fisikorik argitaratu. Elorrietak zuzeneko proiektua egiteko beharra sentitu duelako haseiratik. Hala ere, sortu dituzten abestiak sarean entzuteko aukera eskaini dute. Emanaldietarako, berriz, abesti berriak sortzeaz gain, Elorrietaren errepertorioko kantuak ere moldatu dituzte, Kaabestri Strin Ensemble boskotearentzat egokitzeko.

Hil honen 28an Bilboko Arriaga antzokian eskainiko duten emanaldiarekin hasi eta udaberria bitarte Euskal Herriko hainbat aretotan izango direla aurreikusi dute. Oraingoz, honakoak dira zehaztu dituzten kontzertuak: azaroaren 18an, Oñatiko Santa Ana Udal Antzokian; azaroaren 23an, Donostiako Victoria Eugenian; abenduaren 23an, Hondarribiako Itsas Etxea auditoriumean; otsailaren 1ean, Iruñeko Gaiarre antzokian; otsailaren 2an Santurtziko Serantes kultur aretoan eta otsailaren 16an, Mungiako Olalde Aretoan.

bideoa prestatzen
EGUNEKOA: gizarte, politika eta kultura albisteen bilduma

2018-10-16
'Cabacas auziko' bigarren saioan lekukoek egindako deklarazioei, Garbialdiko langileen mobilizazioei eta urriaren 27rako Bilbon antolatutako Feministon Herriari erreparatu diegu gizarte gaietan. Politikara jota, Karlos Apeztegiaren atxiloketari eta Harremanetarako Nazioarteko Taldeari Eusko Jaurlaritzako lehendakari Iñigo Urkulluk egindako harrerari eskaini diegu tartea. Frantziako Gobernuko ministroen aldaketak eta Eñaut Elorrietaren 'Harian' proiektua ere jaso ditugu.
bideoa prestatzen
Hezkuntzako LEParen balorazio “ona” egin du Solana kontseilariak

2018-10-16
Aurten izandako hezkuntzako lan eskaintza publikoaren balorazio ona egin du Hezkuntza kontseilari Maria Solanak, deialdiaren inguruan sortutako kezka eta ezinegonaren harira. Solanak adierazi du distantzia mantendu behar dela Hezkuntza Administrazioa eta hautaketa prozesuan parte hartutako auzitegien artean.
bideoa prestatzen
Bizkaiko Aldundiak bere Euskaraldiaren hamaikakoa aurkeztu du

2018-10-16
Unai Rementeria Ahaldun Nagusia buru, langileez osaturiko taldea da eta aurkezpenean, hamaikakoarekin batera, aldundiaren menpeko erakunde eta fundazioetako ordezkariak ere egon dira. Lorea Bilbao Kultura eta Euskara Diputatua baikor agertu da Euskaraldiarekiko.
bideoa prestatzen
Garbialdiko langileek mobilizazio berri bat egin dute Foru Aldundiaren aurrean

2018-10-16
Asteartero bezala, mobilizazio berri bat aurrera eraman dute Garbialdiko langileek Foru Aldundiaren aurrean. Enpresa eta aldundiarekin negoziazioak izan ostean, eguneko 14 zentimoko igoera eskaini diete, orotara hilabetean 3 euroko igoera. Azkeneko negoziazioa maila maiatzean ospatu zuten, grebara joan eta bi egun lehenago. Greba eta udako mobilizazioen ondoren, negoziazio mahai berri bat osatu zuten orain dela bi aste. Hala ere, enpresaren eskaintza uda aurretik egindako berbera izan zen, %0,3ko soldataren igoera. 2010etik 2017ra soldata izoztuak izan ziren eta datozen urteetarako igotzeko borondaterik ez du erakutsi Garbialdik. Enpresari urratsak eskatu ez ezik, Garbialdiko langile eta ordezkari sindikalek Aldundiari erantzukizuna ere eskatu diote.