Skip to main content
bannerra

Atik Zra | Arrantza sektorea hizpide


Berdelaren kanpaina bukatu berri da eta antxoarena hasi denean sektorearen egoera aztertu dugu. Orain arte, lau mila tona harrapatu dituzte Bizkaia eta Gipuzkoako arrainontziek. Beraz, lau urteko etenaren ondoren ondo hasi da kanpaina. Baina badira aldatu beharreko gauzak. Bestalde, pasa den astean anisakisaren inguruan egon diren albisteak aztertu ditugu. Gaia sakon jorratzeko ondoko gonbidatuak izan ditugu saioan: Iñaki Zabaleta (Bizkaiko Kofradien Elkarteko presidentea) eta Leandro Azkue (Eusko Jaurlaritzako arrantza zuzendaria).


Albisteak

Orain dela 25 urte, gaurko egunez, hasi zen Espainiako Estatua dispertsio politika sistematikoki erabiltzen. 25 urte eta biktima ugari. Urteurren anker hori dela eta, Etxerat elkarteak elkarretaratzea egin du Donostian, dispertsio politika behingoz amaitu dadin aldarrikatuz.


Albisteak

Gipuzkoako Foru Aldundiak akordioa sinatu du Aranzadi Zientzia Elkartearekin. Honi esker, aldundiak Zero Zabor filosofiaren alde egiteko baliabideak erreztuko dizkio elkarteari. Iñaki Errazkin ingurumen diputatuak azaldu duenez, oso eraginkorra da erreferentzia diren elkarteek hala jokatzea, ingurumena zaintzearen aldeko ideia zabaltzen laguntzen duelako.

Politika

Europako hauteskundeak bi aste barru izango dira, kanpaina jada hasi dute alderdiek, eta hori izan dugu gaurko solasaldian aztergai. Gurekin izan ditugu Xabier Barandiaran Deustuko Unibertsitateko irakaslea, Karmelo Landa EHUko irakaslea, Mikel Arana legebiltzarkide ohia eta Gotzon Hermosilla Berriako kazetaria.


Elkarrizketak

Gurean Gaur saioaren elkarrizketa atalean, Miren Larrion Gasteizko Gure Herria Hezkuntza Plataformako kidea izan dugu. LOMCEri aurre egiteko egiten ari diren urratsak zeintzuk diren azaldu digu eta hemendik aurrera egingo dutena ere bai.

 
bannerra

bannerra