Skip to main content
bannerra

Preso eta erbesteratuak gogoan dituztela ekin diote Diadari


Errepresio gogorraren ondoren, independentzia, askatasuna eta errepublika aldarrikatzeko eguna izan da aurtengo Diada Katalunian. Bartzelonan, Rafael Casanovaren monumentu aurrean egindako lore eskaintzan, salbuespenezko Diadaz hitz egin dute hainbat euskal politikarik eta Kataluniako auzian konponbidea eskatu dute.

Gurean Gaur

Donostiako pisu turistikoaren auziari eta Nafarroako Volkswageneko erregulazio espedienteari erreparatu diegu gizarte gaietan. Horrez gain, kultura eta kirol arloko zenbait kontu ere bildu ditugu.


Literatura

Literaturaren bidez bizitza errealean esaten ez diren gauzak esaten saiatu da Iban Zaldua, 'Sekula kontatu behar ez nizkizun gauzak' ipuin bildumarekin. 32 ipuin eta kontrazalekoa bildu ditu aurkeztu berri duen liburuan. Egunerokoaren barrunbeak bilatzen ahalegindu da fantasiari zirrikitu bat irekita.

Ipuin horien bidez, Zalduak bikoteen arrakaletan arakatu du, euskal gatazkari geruza berriak bilatzen dizkio, elkarrizketa-bidezko ipuinak sortu ditu, txosten gisakoak, jostalariak, dramatikoak zein ironikoak. Xabier Mendiguren Elizegi Elkar argitaletxeko editorearen esanetan, "fikzioaren festa bat" da Zalduaren azken liburua eta trebezia aitortu dio idazleari. Zalduak berak azaldu du errealitateari buelta ematen ahalegindu dela.

Zalduak Ana Malagon idazlearen eta Aitor Arregi zinemagilearen laguntza izan du aurkezpenean. Malagonen ustetan, familietako disfuntzioak oso ondo islatu ditu Zalduak. Arregik, berriz, gatiasun berezia aitortu dio idazleari egoera arruntetan elementu ez hain arruntak sartu eta deserosotasuna eragiteko.

Gurean Gaur

Bilbaodendak elkarteak “El mejor equipo del mundo” erakusketa ibiltaria aurkeztu du. Hiriko establezimenduen erakusleihoetara harrotasun zurigorria eramatea du helburu ekimenak, Tomás Ondarretak “El mejor equipo del mundo” libururako egindako ilustrazioen bitartez. 50 irudiz osatutako erakusketak Bilboko auzo guztiak bisitatuko ditu, lekuko denda eta tabernetan banatuta irailaren 11tik urtarrilaren bukaerara arte.


Ondarea

Iruñeak Batasun Pribilegioaren 595. urteurrena ospatu du asteburuan. San Nikolas, San Zernin eta Nabarreriako burgoak batu eta egungo Iruñearen sorrera izan zena, alegia. Asteburu batez hiriak Erdi Arora salto egin du orduko artisau azoka eta Alde Zaharreko kaleetan barna zebiltzan bufoi eta juglareei esker. Horiekin batera, kaleak musikaz bete dira, Iruñeko Orfeoia eta La Pamplonesa musika bandaren eskutik.

 
    Gurean Gaur
    Astelehenetik Ostegunera, 21:00
    Gaurkotasun elkarrizketa.
    Ekhiñe Atorrasagasti
bannerra

bannerra