Skip to main content

GUREAN GAUR: Ipar Euskal Herriko diputatuen ordezkaritzak EPPKrekin interlokuzio kanala ireki du

GUREAN GAUR: Ipar Euskal Herriko diputatuen ordezkaritzak EPPKrekin interlokuzio kanala ireki du

Larunbatean Parisen egin beharreko manifestazioaren atarikoek albiste ugari utzi dizkigute. Izan ere, Reau-ko espetxearen atarian jende andana bildu da gaur bertatik Frantziar Estatuko hiriburura presoen auzia konponbidean jartzeko eskakizuna eramateko asmoz. Bertan, Ipar Euskal Herriko diputatuen ordezkaritza bat dago eta Reauko kartzelan EPPK-ren mintzakide diren Maixol Iparragirre eta Mikel Albisurekin elkartu dira Vincent Bru zentrista, Max Brisson errepublikanoa eta Jose Bove ekologista. Pozik atera dira bilkuratik eta ondoren Fleuryko espetxera abiatu dira. Bertan, Irati Elizalde, Nekane Zinkunegi eta Eñaut Gantxegi lankideek xehetasun guztiak ekarri dizkigute. Bestalde, Durangoko Azokaren bigarren egunean, ikasleak protagonista. Sormenaren lurraldean, Berri Txarrak, Joseba Irazoki, Izaro Andres, Maider Zabalegi edo Governors taldearekin egoteko beta izan dugu.


Gurean Gaur

Sare Gernikako kideak Reusen, Tarragonan, Lleidan, Bartzelonan eta Gironan egon dira euren proiektua zabaltzen. Espetxe politikaren ondorioak jendarteratu nahi dituen lanak, arreta piztu du Katalunian,


Gurean Gaur

Euskaldunon Egunkaria itxi eta zuzendaritzako kideak atxilotu eta torturatu egin zituzten 2003an. ETAko kide izatea leporatu zieten. 7 urte geroago, epaiketan, salaketa horien zentzugabetasuna frogatutzat eman zuten, eta absolbitu egin zituzten. "Gaur irekiko ditu ateak" dokumentala, ordea, ez da gertaera haien kontakizuna: 1990ean euskarazko lehen egunkaria sortu zutenen testigantzak jasotzen ditu, eta prozesua bera nola izan zen kontatzen du. Itxieraren 15. urteurrenean, gogora ekartzeko moduko lana da.


Gurean Gaur

Nafarroa Gaur saioa, sakonean aztertu dugu Europako Giza Eskubideen Auzitegiak Mattin Sarasola eta Igor Portu lesakarren kasuan emandako sententzia. Horretarako, Amaia Izko abokatua eta zuzenbidean doktore eta irakasle den Eneko Compainsekin egon gara. Azken honek, gainera, tortura zer den lehen pertsonan ezagutu zuen. Horrekin batera, datorren martxoaren 8an deituta dagoen greba feministari buruz aritu gara.


Gurean Gaur

Auzitegi Konstituzionala aldatzea galdegin dute, "plurala eta orekatua" izan dadin, "ideologiei eta lurraldeei dagokienez". EH Bilduren ekimena izan da, eta EAJ, Elkarrekin Podemos eta PSEk babestu dute, PP salbu, talde guztiek.


bannerra