Skip to main content
bannerra
Nahieran Ikusteko.tv

Nafarroako Hezkuntzako zerrenda bakarra, kolokan, alderdien jarrera medio

Nafarroako Hezkuntzako zerrenda bakarra, kolokan, alderdien jarrera medio

Zeresana ematen jarraitzen du Nafarroako hezkuntza arloko lan eskaintza publikoaren auziak. Joan den astean gobernuak jakitera eman zuen zerrenda bakarraren aukera aurrera doala, eta horrek alderdi politiko zenbaiten artean gora-beherak sorrarazi ditu. Edurne Senosian lankideak jaso du horren berri Iruñean. Horixe nabarmentzekoa iruditu zaigun gaietako bat, baina kontu gehiagori ere erreparatu diegu gaurko lerroburuetan. Besteak beste, EAEko eta Nafarroako 2018rako aurrekontuez sindikatuek eta gizarte eragileek egindako balorazioak jaso ditugu.


Gurean Gaur

Greba eguna dute gaur Araba, Bizkai eta Gipuzkoako eskola publikoetan, unibertsitatez kanpoko esparruetan. Beste greba egun bat, bai, aurreko asteetan ere arloz arlokoak egin baitituzte, baina gaurkoak mugarria ezar lezake.

Batetik, lan gatazkan dauden sektore guztiek elkarrekin egin dutela lanuztea: irakasleek, sukaldari eta garbitzaileek, heziketa bereziko langileek eta Haurreskolak partzuergokoek. Eta bestetik, sindikatu gehiagok bat egin dutelako: orain arteko protestak ELA, LAB eta Steilas sindikatuek antolatu dituzte, baina gaur CCOOk eta UGTk ere bat egin dute deialdiarekin.


Gurean Gaur

Ez da ezustekorik izan Gasteizko Legebiltzarreko gaurko saioan, eta EH Bilduk eta Elkarrekin Podemosek 2018ko aurrekontu proiektuaren aurka aurkeztutako osoko zuzenketak atzera bota dituzte EAJk, PSEk eta PPk. Horrenbestez, datorren urteko aurrekontu egitasmoaren tramitazioak lehen urratsa egin du. Pedro Azpiazu Ogasun eta Ekonomia sailburuaren hitzetan, aurrekontuek konpromisoa dute gizarte-babeseko euskal sistema indartzeko. Gaurko eztabaidan, EH Bilduk eta Elkarrekin Podemosek gogor salatu dute jeltzaleek eta sozialistek PPrekin bat egin izana. Asteazkenean eztabaidatu eta bozkatuko dituzte zuzenketa partzialak, eta hilaren 22an onartuko dute proiektua, EAJren eta PSEren aldeko botoekin eta PPren abstentzioarekin.


Gurean Gaur

Ipar Euskal Herrian bakearen alde lortutako akordioak Frantziar Estatuko hiriburura iritsi dira gaur. Eliseo jauregiko arduradunari mezu garbi bat helaraziz, batasunetik, euskal presoen eskubideen auzia konpontzea ezinbestekoa da bake definitibo bat eraikitzeko. Jendartearen inplikazioak Frantziako agintariak mugiaraziko dituela uste dute antolatzaileek. Euskarazko hedabideok saio berezia egin dugu Montparnassetik, bertan kasik sei ordutako emisioaren laburpena.


Gurean Gaur

11000 lagunek hartu dute parte Frantziar Estatuko hiriburuan euskal presoen auziari konponbidean jartzea eskatzeko. Bertan, Ipar Euskal Herrian lortutako adotasun sozial zabalak oihartzuna izan du. Euskarazko hedabideok saio berezia osatu dugu bertatik.