Skip to main content
bannerra
Nahieran Ikusteko.tv

Iker Rokandio: "Zalantzarik gabe, ni espetxera noa, eta gero gerokoak"

Iker Rokandio: "Zalantzarik gabe, ni espetxera noa, eta gero gerokoak"

Martuteneko espetxean sartu dute aste honetan Amaia Agirregabiria Pasaiako alkate ohia. Bi urte eta erdiko zigorra ezarri zion Gipuzkoako Auzitegiak. Herritar baten eta udaltzain batzuen arteko liskarrean esku hartu zuen Pasaiako alkate ohiak 2013 urtean. Emakume haren kontrako ekimen judizialik ez hasteko eskatu zuen alkateak, haren egoera personal eta familiarra kontuan hartuz kaltea handiago izango zelakoan, eta lau urte geroago, udaltzain berberek salatu zuten alkate ohia. Iker Rokandiori ere zigor bera ezarri zioten, eta hark Zaballako espetxean sartu beharko du laster. Gurean izan genuen atzoko Gurean Gaur plusen.


Gurean Gaur

Greba eguna dute gaur Araba, Bizkai eta Gipuzkoako eskola publikoetan, unibertsitatez kanpoko esparruetan. Beste greba egun bat, bai, aurreko asteetan ere arloz arlokoak egin baitituzte, baina gaurkoak mugarria ezar lezake.

Batetik, lan gatazkan dauden sektore guztiek elkarrekin egin dutela lanuztea: irakasleek, sukaldari eta garbitzaileek, heziketa bereziko langileek eta Haurreskolak partzuergokoek. Eta bestetik, sindikatu gehiagok bat egin dutelako: orain arteko protestak ELA, LAB eta Steilas sindikatuek antolatu dituzte, baina gaur CCOOk eta UGTk ere bat egin dute deialdiarekin.


Gurean Gaur

Ez da ezustekorik izan Gasteizko Legebiltzarreko gaurko saioan, eta EH Bilduk eta Elkarrekin Podemosek 2018ko aurrekontu proiektuaren aurka aurkeztutako osoko zuzenketak atzera bota dituzte EAJk, PSEk eta PPk. Horrenbestez, datorren urteko aurrekontu egitasmoaren tramitazioak lehen urratsa egin du. Pedro Azpiazu Ogasun eta Ekonomia sailburuaren hitzetan, aurrekontuek konpromisoa dute gizarte-babeseko euskal sistema indartzeko. Gaurko eztabaidan, EH Bilduk eta Elkarrekin Podemosek gogor salatu dute jeltzaleek eta sozialistek PPrekin bat egin izana. Asteazkenean eztabaidatu eta bozkatuko dituzte zuzenketa partzialak, eta hilaren 22an onartuko dute proiektua, EAJren eta PSEren aldeko botoekin eta PPren abstentzioarekin.


Gurean Gaur

Ipar Euskal Herrian bakearen alde lortutako akordioak Frantziar Estatuko hiriburura iritsi dira gaur. Eliseo jauregiko arduradunari mezu garbi bat helaraziz, batasunetik, euskal presoen eskubideen auzia konpontzea ezinbestekoa da bake definitibo bat eraikitzeko. Jendartearen inplikazioak Frantziako agintariak mugiaraziko dituela uste dute antolatzaileek. Euskarazko hedabideok saio berezia egin dugu Montparnassetik, bertan kasik sei ordutako emisioaren laburpena.


Gurean Gaur

11000 lagunek hartu dute parte Frantziar Estatuko hiriburuan euskal presoen auziari konponbidean jartzea eskatzeko. Bertan, Ipar Euskal Herrian lortutako adotasun sozial zabalak oihartzuna izan du. Euskarazko hedabideok saio berezia osatu dugu bertatik.