Skip to main content
bannerra
Nahieran Ikusteko.tv

Bideoteka

Bideotekan bilatu
bideoaren irudia
Ferran Requejo: "Gobernu legitimoa modu ez zilegian baliogabetzea salatu nahi du hautets zerrendak"

2017-12-13

Kataluniako hauteskundeetarako atzera kontua martxan da: bederatzi egun baino ez dira falta, abenduaren 21ean izango baitira. Inkesten emaitzen bistan ere, ziurtasun gutxi dago emaitzei buruz, salbuespenezko hauteskundeak baitira. Egoera hobeto ulertze aldera, Ferran Requejo analista eta Junts Per Catalunyako hautagaiarekin egon da Saioa Baleztena.

bideoaren irudia
Nerin jendarmea hil izana "zinez sentitzen" duela adierazi du ETAk

2017-12-13

14 eta 25 urte arteko espetxe zigor eskaera egin dute 2010ean Jean Serge Nerin jendarmea hiltzeaz akusatuta Parisen epaitu dituzten lau euskal herritarrentzat. Arkaitz Agirregabiria, Xabier Goienetxea, Izaskun Lesaka eta Josu Urbieta dira auzipetuak, eta haiek Parisko Krimen Auzitegian hitza hartu dutenean, ETA erakundearen izenean agiria irakurri Lesakak.

Agiri horretan, ETA erakundeak esan du "zinez sentitzen" duela 2010ean Jean Serge Nerin jendarmea hil izana. Nerin jendarmea da ETAk hil zuen azken pertsona. Hura hiltzeaz akusatuta Parisen epaitzen ari diren lau lagunek "doluminak" eman dizkiote gaur familiari, ETAren izenean irakurritako agirian. Nerin hiltzea egotzita sei euskal herritar epaitu zituzten 2015ean, eta hamalau urtetik bizitza osora arteko zigorra jarri zien Parisko Krimen Auzitegiak. Epai hari jarritako helegitea tarteko, lau lagunen kontrako epaiketa berriz egin dute eta 25 urteko espetxe zigorra ezarri diote Agirregabiriari, 16koa Urbietari eta 14nakoa Goienetxea eta Lesakari.

Gai horri begira jarri gara gaurko albistegian, baina gehiagori ere erreparatu diegu titularretan.

bideoaren irudia
NAFARROA GAUR: Urteko balantzea eta aurrera begirakoak

2017-12-13

Nafarroa Gaur debatearen atal berria izan genuen Hamaika Telebistan Amaia Eneterreaga lankidearen eskutik. 2017ko honetako azken mahai inguruan, Hedoi Etxarte, Nerea Fillat eta Aitor Urrutia aritu ziren analisi desberdinak egiten. Urtean zehar izandako gertakari nagusien balorazioa egiteaz gain, 2018ko aurrikuspen politikoak zein izanen diren azaltzen ere ausartu ziren… Datorren asteartean Nafarroa Gaur saioaren atal berezia izanen da.

bideoaren irudia
Jaurlaritzak Gabonak aurretik deituko du Hezkuntza Mahai sektoriala

2017-12-13

Bi aldeak muturreko posizioetatik aldendu egin beharko direla adierazi du Olatz Alonso Hezkuntza sailburuordeak gaur goizean.

Sindikatuek, berriz, lorpen bikoitza egin zuten atzoko deialdiarekin: lan gatazkan dauden sektore guztiek lanuztea elkarrekin egitea, eta UGT eta CCOOek ere gehiengo sindikal abertzalearekin bat egitea.

%58ko jarraipena izan zuen deialdiak Jaurlaritzaren arabera, eta %75etik gorakoa sindikatuen arabera. Hezkuntza komunitatea indartuta atera da.

bideoaren irudia
BECeko txapelerako zortzi hautagai eta txapel jartzaile jakina: Sebastian Lizaso

2017-12-12

Amets Arzallus eta Maialen Lujanbio dira txapeldun hautagai nagusiak, baina datorren igandean BEC erakustazokan jokatuko den Bertsolari Txapelketa Nagusiko finalean, inoizko aukera irekienak daudela dioenik ere bada. Finaleko xehetasunen berri gaur eman du Bertsozale Elkarteak, eta, besteak beste, jakinarazi du Sebastian Lizasok jarriko diola txapela igandeko finalaren irabazleari. Bere bertsolari ibilbideaz batera, Joxe Lizaso aita zena ere omenduko dute.

bideoaren irudia
Ibon Iparragirre askatzearen alde, epailearen aginduz egindako mediku txostena

2017-12-12

Hies gaitza dela eta, Ibon Iparragirre euskal preso politikoaren osasun egoera oso larria da, epailearen aginduz txostena egin duen mediku adituaren arabera. Horrez gain, txostenaren arabera, kartzela ez da leku egokia haren osasun egoera kontuan hartuta, hango bizi-baldintzetan arrisku are handiagoa baitu edozein infekzioren bat hartzeko.

Kataluniari dagokionez, bi kontu: batetik, Carles Puigdemontek Kataluniara itzultzeko asmoa duela, abenduaren 21ean presidente hautatzen badute. Bestetik, Artur Mas presidente ohiari etxea enbargatu dio Kontuen Auzitegiak 2014ko azaroaren 9ko hauteskundeengatik. Neurri bera hartu du Francesc Homs, Joana Ortega eta Irene Rigau kontseilari ohien ondasunei dagokienez ere.

Horiek nabarmentzekoak iruditu zaizkigun gaietako batzuk, beste zenbaiti ere erreparatu diegu titularretan.